ABBA member Agnetha Fältskog naglabas ng bagong kanta

Naglabas ng bagong kanta ang legendary member na Swedish group na ABBA na si Agnetha Fältskog.

Sa kaniyang social media account ay nagpost ito ng titulo ng kanta na “Where Do We go From Here?”.

Ang nasabing kanta ay mula sa kaniyang reimagined version na “A” na inilabas noong 2013.

Dagdag pa ng 73-anyos na singer na kinausap niya ang kaniyang music producer na si Jorgen Elofsson at nais nilang ilabas ang dating album na talagang bago.

Dekada 70 ng sumikat ang grupo kung saan ilan sa mga kantang pinasikat nila ay ang “Mamma Mia”, “Dancing Queen”, “Take A Chance On Me” at maraming iba pa hanggang sila ay maghiwalay nong 1982.