Plano ng isang Chinese company na magtayo ng mga windmill sa dagat ng Pilipinas na kayang makayanan ang malalakas na bagyo upang makatulong sa pagkakaroon ng mas matatag na suplay ng kuryente.
Tinalakay ni Pangulong Ferdinand Marcos Jr. ang proyekto kasama ang mga opisyal ng Ming Yang Smart Energy Group sa Shenzhen, China noong Biyernes sa sidelines ng APEC Summit.
Ayon sa kumpanya, ang kanilang mga wind turbine ay may teknolohiyang kayang makatiis sa lakas ng super typhoons na lampas sa Category 17.
Nilagdaan din ng dalawang panig ang kasunduan para sa pagtutulungan sa pagpapaunlad ng mga offshore wind energy project sa bansa.
Kabilang sa plano ng kumpanya ang pagtatayo ng sentro para sa maintenance at pagkukumpuni ng mga windmill sa Pilipinas upang mas mapabilis ang serbisyo at mapanatili ang maayos na operasyon ng mga pasilidad.
Inaasahang makatutulong ang proyekto sa pagpapalawak ng malinis na enerhiya at pagkakaroon ng mas maaasahang suplay ng kuryente sa bansa, lalo na tuwing panahon ng malalakas na bagyo.















