-- Advertisements --
Sugatan ang siyam na katao matapos na sila ay pagbabarilin habang nagaganap ang pagdiriwang sa pagiging kampeon ng Denver Nuggets sa NBA Finals.
Ayon sa mga kapulisan sa Denver na tatlo sa mga biktima ay nasa kritikal na kondisyon.
Kasamang nasugatan din na itinakbo sa pagamutan ang pinaniniwalaang suspek.
Nangyari ang krimen sa Market Street malapit sa Ball Arena ang lugar kung saan naganap ang laro ng Nuggets kontra Miami Heat.
Magugunitang tinalo ng Nuggets ang Heat 94-89 sa Game 5 NBA Finals para maitala ang kauna-unahang NBA Championship title ng Nuggets.
Matapos ang laro ay nagdiwang ang mga mamamayan ng Denver kung saan mayroon pang mga fireworks display.
