40 pamilya apektado ng sunog sa Tondo, Manila

Aabot ng 40 pamilya apektado ng nangyaring sunog sa Delpan Bridge, Tondo, Manila kaninang umaga.

Ayon sa Bureau of Fire Protection, 20 bahay sa naturang lugar ang tinupok ng apoy na nagsimula sa isang tatlong-palapag na residential building kaninang alas-8:29.

Umabot pa sa ikalalawang alarma ang naturang sunog dakong alas-8:30 ng umaga, at nadeklarang fire out ng alas-9:09 ng umaga.

Wala namang napaulat na nasugatan o binawian ng buhay, ayon sa BFP.

Patuloy na iniimbestigahan ang sanhi ng sunog.