Sasabak sa gold medal match sa kani-kanilang division ang apat na boksingero ng bansa sa nagpapatuloy na Southeast (SEA) Games ngayong araw, Disyembre 18.
Kinabibilangan ito nina Eumir Marcial, Flint Jara, Jay Brian Baricuatro at Aira Villegas na tinaguriang last four Pinoy boxers.
Makakaharap nina Jara, Baricuatro at Villegas ang pambato ng host country na Thailand.
Makakasagupa ni Jara si Thanarat Saengpet, na isang gold medalist ng 2023 SEA Games habang si Villegas ay makakaharap si Chutamat Raksat na silver medalist ng 2022 Asian Games at 2024 Asian Championship at si Baricuatro naman si Phlongaurai Thitiwat.
Makakaharap ni Marcial naman si Maikhel Muskita ng Indonesia na nagwagi ng gold medal noong 2021 SEA Games at silver medal naman noong 2023 SEA Games.
