LAOAG CITY – Nagtamo ng sugat sa iba’t-ibang bahagi ng katawan ng dalawang lalaki matapos ang aksidente sa Airport road, Barangay Bengcag sa lungsod ng Laoag.
Sa imbestigasyon ng PNP-Laoag, parehong patungong silangan ang motorsiklo na minaneho ng 31-anyos na residente sa Barangay Magnuang sa lungsod ng Batac at ang tricycle na minaneho naman ng 44-anyos, residente sa Barangay Navotas-A dito sa lungsod ng Laoag.
Ganunpaman, habang minamaneho ng dalawa ang kanilang sasakyan ang bigla umanong tumigil ang motorsiklo at hindi naman agad nakapreno ang tricycle na dahilan ng aksidente.
Dahil dito, nagtamo ng sugat ang mga driver at dinala sila sa Governor Roque Ablan Senior Memorial Hospital (GRASMH) dito sa lungsod.
Lumalabas sa imbestigasyon na nakainom ng alak ang Tricycle driver.
