2 arestado sa illegal gambling sa Makati City; nakuhanan din ng ‘shabu’

Inihahanda na ang mga kasong isasampa laban sa dalawang lalaki nahulihan ng pinaghihinalaang shabu habang nagsusugal sa Makati City.

Kinilala ang mga naarestong sina Rolando Yana, 24-anyos, na dati ng may kasong theft; at Rovie Aglibut, 36-anyos.

Batay sa ulat ng Makati City Police Station 3, nagpa-patrolya ang kanilang hanay sa bahagi ng Brgy. Pio Del Pilar nang maaktuhang nagka-cara cruz ang dalawa kasama ang dalawang menor de edad.

Bukod sa perang nakumpiska, nakuhanan din ng P300 halaga ng suspected shabu ang mga ito nang kapkapan.

Nakatakda ng iturn-over sa DSWD ang menor de edad na naaresto, habang tinutugis pa ang kasama nitong nakatakas.