16 katao patay sa bumagsak na eroplano sa Russia

Patay ang 16 katao sa pagbagsak ng isang eroplano na lulan ang maraming parachutists.

Ayon sa emergency ministry ng Russia, bumagsak ang L-410 plane kaninang alas-9:23 ng umaga (oras sa Russia) lulan ang 22 katao.

Anim katao ang na-rescue habang 16 naman ang na-recover na wala nang buhay.

Base sa mga litrato na inilabas ng ministry, makikita na nahati sa gitna ang naturang eroplano habang wasak naman ang unahang bahagi nito.