Zion bumida sa pagbabalik sa Pelicans nang magbuhos ng 25-pts; Durant na may 32-pts ‘di umubra

Tinambakan ng New Orleans Pelicans ng 30 points ang katunggali nitong Brooklyn Nets sa iskor na 130-108 sa kanilang sariling opening game.

Hindi kinaya ng Nets ang matinding performance ng nagbabalik na si Zion Williamson na may 25 big points.

Labis naman ang pagbilib ni New Orleans coach Willie Green sa pagbabalik ni Zion makalipas ang isang taon dahil sa injury.

“You just throw the ball to him and watch what he does.”

Nag-ambag din naman si Brandon Ingram ng 28 points at 7 rebounds

Habang nasayang ang ipinasok na 32 points ng NBA superstar na si Kevin Durant dahil nalasap pa rin nila ang kamalasan.

Hindi naman nakalaro ang dalawang best shooters ng Nets na sina Joe Harris at Seth Curry. (with reports from Bombo Allaiza Eclarinal)