Winter Wonderland in the City, nakatakdang ilunsad sa Nobyembre sa City of Ilagan

CAUAYAN CITY – Tiniyak ng kompanyang Double Rainbow Construction and Development Corporation ang pagkakaroon ng inisyal na attraction sa lunsod ng Ilagan para sa hinahangad na Winter Wonderland In the City sa Nobyembre.

Sa naging panayam ng Bombo Radyo Cauayan kay Rudolf Winfoter, Chairman at CEO ng Double Rainbow Construction and Development Corporation, sinabi niya na nasa 800 hanggang P1.5 million ang budget para sa naturang proyekto.

Asahang magkakaroon ng launching sa November 14 ngayong taon katuwang ang Department of Tourism (DOT) at pamahalaang lunsod ng Ilagan.

Tiniyak niya na dumaan sa malalim at mabusising pag-aaral ang proyekto at maraming kakaibang attraction ang aabangan ng publiko kabilang na ang Iced Skating Ring.