Nagdiwang ang Venezuelans na nagtipun-tipon sa Barcelona, Spain matapos maaresto si President Nicolas Maduro.
Kung saan iwinagayway nila ang kanilang bandila at nagkantahan.
Ayon sa isang Venezuelan, kanilang dedepensahan ang kanilang lehitimo at constitutional President na si Edmundo Gonzalez Urrutia at ang kanilang indisputable leader na si Maria Corina Machado, opposition leader at Nobel Peace Prize winner.
Kasalukuyan ngang nakakulong si Maduro sa New York Detention Center habang inaantay ang unang pagharap niya sa korte nitong Lunes, oras sa Amerika kaugnay sa inaakusa sa kaniyang drug charges.
Samantala, umupo na bilang interim leader si Vice President Delcy Rodriguez, na nakakuha ng basbas mula sa Korte Suprema ng Venezuela.
Sa kabila nito, iginiit ni Rodriguez na si Maduro pa rin ang nananatiling Pangulo ng Venezuela.
