Nakatakdang magbigay ang United States Agency for International Development ng dagdag na $8 million bilang suporta sa global health security ng Pilipinas.
Ayon sa White House, ang halagang ito ay gagamitin bilang investment sa biosafety at laboratory capacity ng Pilipinas, at gayundin sa disease surveillance, risk communication, at emergency preparedness.
Bukod dito ay makikipagtulungan din ang United States Agency for International Development sa
Department of Health para tugunan ang double burden ng non-communicable diseases at tuberculosis.
Anila ang partnership na ito ay layuning tiyakin na magkakaroon ng access ang lahat ng mga Pilipino sa quality treatment sa mga pagamutan.
Kaugnay nito ay target din ng United States Agency for International Development na palawigin pa ang pagbibigay ng suporta sa Philippines National Tuberculosis Reference Lab, kabilang na ang paggamit ng Targeted Next-Generation Sequencing technology sa pagtugon sa mga drug-resistant strains.
