Iniulat ng Philippine Statistics Authority (PSA) noong Lunes na lalo pang bumaba ang unemployment rate sa bansa sa 3.6% noong November 2023 mula sa 4.2% sa mga nagdaang buwan.
Batay sa pinakahuling figures nasa 1.83 million individuals ang walang trabaho mas mababa kaysa sa 2.18 milyon noong Nobyembre 2022 at 2.09 milyon noong Oktubre 2023.
Ito na ang pinakamababang naitalang unemployment rate mula noong ipinakilala ng PSA ang isang bagong pamamaraan para sa pagsukat ng labor force survey noong 2005.
Sa kabilang dako, tumaas ang employment rate noong Nobyembre 2023 sa 96.4%, mula sa naitala na 95.8% sa parehong buwan noong 2022 at noong Oktubre 2023.
Ang bilang ng mga may trabahong indibidwal noong Nobyembre 2023 ay tinatayang nasa 49.64 milyon, mula sa 47.80 milyon na tinatayang noong Oktubre 2023 at ang 49.71 milyong indibidwal sa parehong buwan noong nakaraang taon.
Ayon kay National Economic and Development Authority Secretary Arsenio Balisacan, kakailanganin ng bansa na palawakin ang digital economy, kabilang ang digitalization ng Micro, Small, and Medium Enterprises (MSMEs) at startups, upang matugunan ang bumababang lakas-paggawa at mapataas ang labor market gains sa 2024 at higit pa.
Binigyang-diin din ni Balisacan ang pangangailangang lumikha ng isang regulatory framework na magpapahintulot sa mga alternatibong kaayusan sa trabaho, kabilang ang part-time na trabaho, kahit na sa pormal na sektor.
Binanggit na naman ng PSA ang pagbaba sa rate ng partisipasyon ng mga manggagawa sa mga kabataan at kababaihan na naiimpluwensyahan ng mga responsibilidad sa pamilya, pag-aaral, at mga kadahilanang nauugnay sa edad.
Ang labor force participation rate (LFPR) naman para sa Nobyembre 2023 ay bumaba sa 65.9% mula sa 67.5% noong Nobyembre 2022.
Ang bilang ay isinasalin sa tinatayang 51.47 milyong Pilipino na may edad na 15 taong gulang at mas matanda sa lakas paggawa, na mas mababa sa 51.88 milyon noong Nobyembre 2022.
