-- Advertisements --
Ipapadala ng White House si border czar Tom Homan sa Minneapolis.
Kasunod ito sa nagaganap na kaguluhan dahil sa pamamaril ng mga Immigration Customs Enforcement (ICE) na ikinasawi ni Alex Pretti.
Sinabi ni White House press secretary Karoline Leavitt na kahit na mayroong naganap na pamamaril ay ipagpapatuloy pa rin nila ang malawakang deportation.
Natitiyak naman nito na mayroong mahigpit na imbestigasyon na gagawin ang mga otoridad ukol sa nasabing pamamaril.
Giit nito na nais ni US President Donald Trump na matapos ng tuluyan ang kaguluhan sa Minnesota.
Nagkaroon umano ng pag-uusap sa telepono sina Trump at Minnesota Governor Tim Walz kung saan pumayag umano na ang US President na bawasan ang bilang ng mga ICE agents.
