Inanunsyo na ng Society of Philippine Entertainment Editors ang mga nominado para sa ika-9 na edisyon ng The EDDYS (The Entertainment Editors’ Choice), kabilang ang mahigpit na labanan sa kategoryang Best Actress.
Isinagawa ang announcement noong Hunyo 25 sa isang hotel sa Quezon City, na sinabayan ng live streaming sa YouTube.
Kabilang sa mga nominado para sa Best Actress sina Mylene Dizon para sa ”Habang Nilalamon ng Hydra ang Kasaysayan,” Barbie Forteza para sa ”Kontrabida Academy,” Krystel Go para sa ”I’mPerfect,” Angelica Panganiban para sa ”UnMarry,” Maris Racal para sa ”Sunshine,” at Charo Santos para sa ”Only We Know.”
Sa Best Picture category naman ay nominado ang Bar Boys: After School, Eraserheads: Combo on the Run, I’mPerfect, Journeyman, Quezon, Sunshine, at UnMarry.
Maglalaban naman sa Best Director sina Sigrid Andrea Bernardo (I’mPerfect), Antoinette Jadaone (Sunshine), Jeffrey Jeturian (UnMarry), Christian Paolo Lat at Dominic Lat (Journeyman), Kip Oebanda (Bar Boys: After School), Jerrold Tarog (Quezon), at Maria Diane Ventura (Eraserheads: Combo on the Run).
Sa Best Actor category, nominado sina Carlo Aquino (Bar Boys: After School), Dingdong Dantes (Only We Know), Joshua Garcia (Meet, Greet & Bye), Jericho Rosales (Quezon), JC Santos (Journeyman), at Vice Ganda (Call Me Mother).
Samantala, sina Pops Fernandez at Kim Atienza ang magsisilbing hosts ng ika-9 na The EDDYS sa ilalim ng direksyon ni Calvin Neria.
Gaganapin ang The EDDYS Awards Night sa Hulyo 5 sa Ceremonial Hall ng Marriott Grand Ballroom, kung saan pararangalan ang mga natatanging pelikula at personalidad sa industriya ng pelikulang Pilipino.
