Nakatakdang bumisita sa Pilipinas si Timor-Leste President José Ramos-Horta sa Nobyembre 10.
Ang nasabing pagbisita ng mataas na oisyal ng Timor-Leste ay para sa bilateral talks.
Sa kanyang pagbisita, tatalakayin ni Ramos-Horta ang iba’t ibang larangan ng kooperasyon sa pagitan ng Pilipinas at Timor-Leste, kabilang ang technical, political, educational at economic partnerships.
Kabilang sa mga ahensya ng Pilipinas na dadalo sa pagbisita ay ang Department of Foreign Affairs, Department of Trade and Industry, Department of Justice, Department of Science and Technology, at Department of Social Welfare and Development.
Una nang tiniyak ng Pilipinas sa Timor-Leste ang patuloy na suporta sa layunin nitong maging ganap na miyembro ng Association of Southeast Asian Nations (ASEAN).
