Suplay ng kuryente sa Albay nananatiling normal

Walang naitalang problema sa isyu ng power supply sa Albay.

Ayon sa Presidential Communications Office, nananatiling normal ang operasyon ng mga power generation plant sa lalawigan ng Albay.

Normal ang operasyon ng Tiwi Geothermal plant gayundin ang Bac-man geothermal power plant.

Dagdag pa ng PCO na base sa tinatanggap nilang ulat mula sa Department of Energy ay maayos din ang power distribution sa probinsya.

Bagamat nagkaroon ng power interruption sa Anislag Elementary school na ginagamit na evacuation center, naibalik naman aniya agad ang kuryente.

Ang sanhi ng power interruption ay dahil sa busted transformer.