Premature para sabihing winarak ng COA ang imahe, morale ng DOH – House leader

Iginiit ni Deputy Speaker Rufus Rodriguez na premature para sabihin ni Health Secretary Francisco Duque III na winarak ng report ng Commission on Audit ang imahe at morale ng Department of Health.

Sa Ugnayan sa Batasan forum, sinabi ni Rodriguez na wala pa namang final judgement sa report ng COA hinggil sa sinasabing deficiencies sa P67.3-billion COVID-19 pandemic funds ng DOH.

Hindi rin naman aniya sinasabi ng COA sa report nito na mayroon na kaagad nangyayaring korapsyon sa DOH.

Gayunman, hindi rin aniya dapat isantabi lamang ang naging obserbasyon ng COA kaya mainam na sagutin ito ng DOH.