Nagpatupad ng panibagong balasahan si PNP chief Police General Debold Sinas sa ilang opisyal.
Inilipat ni Sinas si Anti-Kidnapping Group (AKG) director Police Brigadier General Jonnel Estomo bilang bagong director ng Police Regional Office (PRO) 5.
Pinalitan ni Estomo si Police Brigadier General Bartolome Bustamante na itinalaga bilang bagong director ng Human Resource Doctrine and Development.
Maliban dito, may walong Police Colonel mula sa Camp Crame at Police Regional Offices ang inilipat ng mga bagong posisyon.
Ito ay ang mga sumusunod:
Col. Rodolfo Castil Jr., mula AKG patungong PRO 5; Col. Rolando Destura mula Drug Enforcement Group (DEG) patungo sa Highway Patrol Group (HPG); Col. Rudolph Dimas mula PRO 6 (Western Visayas) patungong AKG; Col. Jean Fajardo mula sa DHRDD patungong Office of the Chief PNP (OCPNP); Col. Redrco Maranan mula Directorate for Plans (DPL) patungong DEG; Col. Allan Nobleza mula HPG patungo sa PRO 6; Col. Fernando Ortega mula sa OCPNP patungo sa Directorate for Information and Communication Technology Management (DICTM); at Col. David Peredo Jr., mula PRO 5 patungo sa AKG.
Epektibo ang bagong assignment ng mga opisyal bukas, Abril 23.
