Inanunsyo ng Korte Suprema na idaraos ang 2023 Bar Examinations sa Setyembre ng susunod na taon.
Inilabas ng Office of the 2023 Bar Chair sa pamumuno ni Associate Justice Ramon Paul Hernando ang Bar Bulletin no. 1 series of 2023, kung saan nakasaad ang “schedule, coverage and other preliminary matter” na may kinalaman sa 2023 Bar Exams.
Ayon sa Office of the 2023 Bar Chair, “digitalized at regionalized” ang Bar Exams.
Ang pagsusulit ng bar examinees ay itinakda sa 3 non-consecutive days na: Sept. 17 (Linggo); Sept. 20 (Miyerkules); at Sept. 24 (Linggo).
Pagdating sa coverage, sinabi ng Office of the 2023 Bar Chair na ito ay hinati sa 6 na core subjects, para sa 3-araw na pagsusulit.
– Sa Day 1, ang subjects ay Political and Public International Law (sa umaga); at Commercial and Taxation Laws (sa hapon).
– Sa Day 2, ang subjest ay Civil Law (sa umaga); Labor Law and Social Legislation (sa hapon)
– Day 3, ang subject ay Criminal Law (sa umaga); Remedial Law, Legal and Judicial Ethics with Practical Exercises (sa hapon).
Hinihimok naman ng Office of the 2023 Bar Chair ang mga aplikante at stakeholders na subaybayan ang official communication channels para sa tama, beripikado at updated na impormasyon uko sa 2023 Bar Exams.
