-- Advertisements --

Iaapela ng Public Attorney’s Office (PAO) ang pagkaltas ng Senado sa P19.5 milyong pondo nila sa 2020 para sa forensic laboratory at equipments na gagamitin pangunahin sa Dengvaxia cases.

Ayon kay PAO Forensics Laboratory Chief dr. Erwin Erfe, dismayado sila sa budget cut sa kanilang tanggapan na pinangunahan nina Sen. Frank Drilon at Sen. Edgardo Angara.

Inilipat anya ang nasabing pondo ng PAO sa National Bureau of Investigation (NBI) nang walang abiso.

Una nang inaprubahan ng Kamara ang pondo para sa PAO forensics pero hinarang ng senado sa budget hearing.

May hinala si Erfe na may kinalaman sa koneksiyon nina Drilon at Angara sa mga abogado ng Sanofi Pasteur kaya isinulong nila ang pagtapyas sa budget ng PAO.

Ang ACCRA law kung saan nagsilbing law partners sina Drilon at Angara ay ang nag-aabogado sa Sanofi Pasteur.

Umaasa namab si PAO Chief Atty. Persida Rueda-Acosta na pagdating sa bicameral conference committee ay maibabalik sa kanila ang halos P20 milyong kinaltas na budget.