Paghahanda ng pagbabalik eskwela ng mga estudyante sa Dagupan City puspusan na

DAGUPAN CITY – Puspusan ang naging paghahanda ng West Central Elementary School para sa nalalapit na pagbabalik ng face to face classes ngayong buwang ng Agosto.

Matatandaang inanunsyo ni Pangulong Marcos kamakailan lamang na magsisimula na ngang muli ang pagbabalik eskwela ng mga estudyante.

Ayon kay Elizabeth Zareno, ang Chairman ng Brigada eskwela ng West Central Elementary School na handang handa na ang kanilang paaralan at gayundin ang kanilang mga estudyante para sa face to face classes.

Sinigurado rin ng paaralan na prayoridad pa rin nila ang kaligtasan ng mga kanilang estudyante sa pagsunod ng health protocols

Nagsimula naman ang brigada eskwela noong nakaraang unang araw ng Agosto at magtatapos ito sa Agosto 26,2022.