Kinumpirma ni Finance Sec. Sonny Dominguez na mayroon na silang financing plan para sa bibilhing bakuna laban sa COVID-19.
Sinabi ni Sec. Dominguez, balak nilang uunahin ng libreng bakuna ang nasa 20 Pilipino at popondohan ito ng 20 billion.
Ayon kay Sec. Dominguez, may tatlong pharmaceutical companies ang China, isa sa United Kingdom at isa sa Estados Unidos ang nasa advanced stage na sa pag-develop ng bakuna.
Sa oras daw na matapos ang trials at maaprubahan na ng Food and Drug Administration (FDA) ng mga nasabing bansa, ang Department of Health (DOH) daw ang pipili ng tamang bakunang bibilhin.
“May three pharmaceutical companies na po sa China, one from Great Britain, one from the US na nasa advanced stage na. By around October, matatapos ang trials, so before December, most likely ma-aapprove ito ng Food and Drug Administration nila,” ani Sec. Dominguez.
Inihayag ni Sec. Dominguez na bibilhin ang mga bakuna sa pamamagitan ng Philippine International Trading Corporation (PITV) sa ilalim ng Department of Trade and Industry at saka i-turn-over sa DOH.
