Magiging pribado lang ang libing ng Scottish actor na si Sean Connery.
Ayon sa pamilya nito, papalipasin muna nila ang Coronavirus Disease (COVID) pandemic bago magsagawa ng memorial service para sa mga fans ni Connery.
Nitong weekend nang payapang pumanaw si Sean habang ito ay natutulog kasama ang kanyang pamilya.
Samantala, ibinunyag ng ngayo’y biyudang si Micheline Roquebrune na nagkaroon ng memory loss dulot ng dementia ang kanyang kabiyak.
“I was with him all the time and he just slipped away. He had dementia and it took its toll on him. He got his final wish to slip away without any fuss. It was no life for him. He was not able to express himself latterly,” saad ng 91-anyos na si Micheline.
Ang 90-year-old actor ang pinakauna at isa sa pinakamatagal na gumanap sa sikat na fictional character na si James Bond. (france24 / en24)
