Idineklara na bilang bagong kinatawan ng 1Tahanan Party-list ang negosyante at media executive na si Elmer Catulpos.
Si Catulpos ang humalili kay dating Rep. Nathaniel Oducado matapos magbitiw sa pwesto dahil sa isyu sa kalusugan. Nauna na ring nilinaw ni Oducado na walang kinalaman ang kaniyang pagbibitiw sa kaniyang pagboto sa impeachment ni Vice President Sara Duterte. Kasama rin ni Oducado si Franz Legazpi, na nagbitiw naman bilang kinatawan ng Pinoy Workers Party-list.
Ayon kay Comission on Elections (Comelec) chairperson George Garcia, ang pag-assume ni Catulpos sa pwesto ay kasunod din ng pagbibitiw ng ikalawa at ikatlong nominees ng partido.
Una rito, nagsilbi si Catulpos bilang presidente ng General Santos City Chamber of Commerce at naglingkod sa Philippine Red Cross and Rotary International.
