Pumanaw na ang two-time NASCAR Cup Series champion Kyle Busch sa edad na 41.
Kinumpirma ito ng kaniyang pamilya at koponan na Richard Childress Racing ang pagpanaw matapos dapuan umano ng sakit.
Ilang araw bago ang pagpanaw nito ay nagpost pa sa social media ang pamilya ni Busch at sinabing itinakbo pa siya sa pagamutan dahil sa malalang sakit.
Hindi naman na binanggit pa ng pamilya ang sakit ng American car racer.
Nakatakda pa sana itong lumahok sa Coca-Cola 600 sa Charlotte Motor Speedway sa Linggo.
Ang Las Vegas native ay nasa kalagitnaan siya ng kaniyang ika-22 season sa NASCAR top division kung saan mayroon itong 63 na panalo sa mahigit na 762 race starts.
Mayroon itong ranking na ninth sa all-time wins list kung saan nagwagi ito ng dalawang Cup Series noong 2015 at 2019 noong ito ay kabilang pa sa Joe Gibbs Racing.
Taong 2005 ng magsimula itong sumali sa Cup series habang ito ay kabilang sa Hendrick Motorsports at nagwagi ito bilang Rookie of the Year.
