-- Advertisements --

Nilinaw ng Energy Regulatory Commission (ERC) na ang More Electric and Power Corporation (More Power) ang nag-iisang distribution utility sa Iloilo City na may legislative franchise at Certificate of Public Convenience and Necessity (CPCN) para mag-supply ng kuryente sa lungsod.

Paliwanag ni ERC Chairman Agnes Devanadera, kahit pa man may usaping legal sa pagitan ng Panay Electric Company (PECO) at More Power gaya ng expropriation case na nakabinbin sa Iloilo Regional Trial Court (RTC) ay wala itong epekto sa operasyon ng distribution utility.

Ang power distribution issue kasi ay saklaw aniya ng ERC salig narin sa itinatakda ng Electric Power Industry Reform Act ( EPIRA) law.

Giit pa ni Devandera dapat maging malinaw sa magkabilang partido na ang more power ang kanilang kinikilala bilang lehitimong distribution utility sa Iloilo City.

-- Advertisement --

Ginawa ng ERC ang paglilinaw para na rin umano maiwasan ang kalituhan lalo na sa hanay ng mga power consumer.

Samantala nilinaw din ni Devanadera na walang nilalabag ang More Power nang mag-operate ito kahit na wala pang Certificate of Exemption mula sa Department of Energy (DoE).

Ang sitwasyon kasi aniya ng More Power ay maituturing na emergency dahil ang kanilang kinokonsidera dito ay ang matiyak na tuloy-tuloy ang serbisyo ng pagbibigay ng supply ng kuryente sa mga residente.