Tiniyak ng dating TV host na si Janelle Tee na kanyang ipagpapatuloy ang nasimulang advocacy kahit matapos na ang kanyang reign bilang 2019 Miss Earth-Philippines.
Nauna na itong nag-post ng larawan habang hawak ang aplikasyon para sa Basic Citizen Military Training Batch 2020.
Gayunman, nagpahiwatig ito na tila naunsyami o hindi natuloy bunsod ng deadly virus pandemic pero hindi aniya dahilan ito upang mawalan ng purpose sa buhay.
Huling aktibidad ng 2020 Miss Earth Philippines ay ang pre-judging sa “beauty of face” nitong weekend pero sasalang sa iba pang fashion competitions tulad sa sportswear sa June 16, at casual wear sa June 18, bago ang virtual coronation ceremony sa darating na July 1 o 2.
Una nang naiulat na sa online na lamang din ipapahayag ni Tee ang kanyang farewell message.
Kung maaalala, bigo si Tee na maibigay sa bansa ang panglimang Miss Earth title kung saan nakapasok lamang ito hanggang Top 20.
