Bilang pag-iingat at upang matiyak ang kaligtasan ng lahat, pinayagan nang umuwi ang mga mag-aaral ng Malabon National High School.
Sa kasalukuyan, nananatili ang mga operatiba ng Philippine National Police sa loob at paligid ng paaralan upang tiyakin ang seguridad habang nagpapatuloy ang masusing imbestigasyon kaugnay ng kumakalat na umano’y banta.
Nananawagan ang mga awtoridad sa publiko na manatiling kalmado, umiwas sa pagpapakalat ng mga hindi beripikadong impormasyon, at umasa lamang sa mga opisyal na anunsyo.
Tinitiyak din ng mga kinauukulan na ang sinumang mapatutunayang responsable ay pananagutin at sasailalim sa buong saklaw ng umiiral na batas.
Ang kaligtasan ng mga mag-aaral ay nananatiling pangunahing prayoridad ng pamunuan at mga awtoridad.
