Mayor Sara Duterte-Carpio, nakipagpulong sa mga alkalde at konsehal sa Iloilo

ILOILO CITY – Nakipagpulong si vice presidential aspirant at Davao City Mayor Sara Duterte-Carpio sa mga alkalde at konsehal sa Iloilo.

Kasama ni Mayor Sara na pumunta sa lungsod sina Davao Occidental Governor Claude Bautista at Majority Floor Leader Martin Romualdez.

Sa eksklusibong panayam ng Bombo Radyo Iloilo kay Mayor Sara, sinabi nito na hinahangaan niya ang Iloilo City dahil sa mga natanggap na accomplishments, mga awards at recognition.

Wala rin anyang problema kung halos lahat ng mga opisyal ng Iloilo City ay sumusuporta kay Vice President Leni Robredo.