SAGUIARAN, Lanao del Sur – Nagkaisa ang mga local government officials at mga residente sa tatlong municipalities at 104 barangayas sa Lanao del Sur para tuldukan na ang isinasagawang karahasan ng mga Local Terrorist at New Peoples Army (NPA) na nag-ooperate sa kanilang bayan.
Isang Mass Condemnation ceremony ang isinagawa nuong July 22,2020 sa Ditsaan-Ramain Multi-Purpose Complex, Brgy Ramain Proper, Ditsaan-Ramain, Lanao del Sur.
Mariing kinondena ng mga Local Chief Executives ng Ditsaan-Ramain, Bubong, at Buadiposo-Buntong ang mga terorista na idiniklarang persona non grata, ibig sabihin walang puwang sa kanilang bayan ang mga komunistang NPA at mga local terrorist group.
Naglabas ng resolution ang mga nasabing bayan para bumuo ng Municipal and Barangay Task Force in Ending the Local Communist Armed Conflict (TF-ELCAC).
Dumalo sa nasabing event ang mga opisyal ng militar na pinangunahan ni 82nd Infantry Battalion Commanding Officer Lt Col. Rafman Altre.
Ikinatuwa ng militar ang naging hakbang ng mga LGUs na nakikiisa sa militar para mapanatili ang peace and order sa kanilang mga bayan.
