NAGA CITY-Kumpiskado ang lampas ₱400,000 na halaga ng ilegal na droga sa isinagawang buy-bust operation sa Lucena City, Quezon.
Kinilala ang suspek na si Alyas Nhor, 41 anyos, residente ng Brgy. Lita, ng nabanggit na siyudad.
Sa nakuhang impormasyon ng Bombo Radyo Naga sa Quezon Police Provincial Office, napag-alaman na inaresto ang suspek pagkatapos na makabili dito ang poseur-buyer ng mga awtoridad ng isang piraso ng heat-sealed transparent plastic sachet ng pinaniniwalaang shabu.
Nang kinakapkapan ang suspek, nakuha dito ang ginamit na buy-bust money at apat pang sachet ng pinaniniwalaan na ilegal na droga.
Sa kabuuan, may kabuuang bigat aniya ang nakumpiskang pinaniniwalaang shabu ng 22 grams at nagkakahalaga ng ₱448,800.
Sa ngayon, dinala na ang suspek sa Lucena City Police Station para sa karampatang disposisyon.
