Lalaki patay nang tamaan ng kidlat sa Capiz; isa pa sugatan

ROXAS CITY – Patay ang isang lalaki habang ang sugatan ang isa pang kasamahan nito matapos tamaan ng kidlat sa Ivisan, Capiz.

Kinilala ang nasawi na si Frederick Medalla.

Batay sa inisyal na ulat, galing sa ilog si Medalla at mga kaibigan nitong sina Fredy Uadan at Danilo Macato.

Naglakad umano ang mga ito sa gitna ng palayan habang naulan nang biglang kumidlat at tamaan si Medalla at Uadan.

Nakaligtas naman si Macato na nasa hindi kalayuang distansya ng dalawa.

Nadala pa raw sa Roxas Memorial Provincial Hospital ang dalawa pero dead on arrival si Medalla.

Patuloy naman na ginagamot sa naturang ospital si Uadan.