Laguna Gov. Hernandez nagpositibo sa COVID-19

Nagpositibo sa COVID-19 si Gov. Ramil Hernandez ng Laguna.

Sa isang Facebook post, ibinahagi ni Hernandez na kahapon lang niya nalaman ang resulta ng kanyang swab test.

Sa kasalukuyan siya ay naka-home quarantine na.

Sinabi rin niya na nakakaranas siya ng mild symptoms.

Gayunman, patuloy pa rin aniya siyang magtatrabaho habang nagpapagaling sa kanyang bahay.

Umapela naman din si Hernandez ng panalangin para sa kanyang agarang paggaling, at hinimok din ang publiko na magpabakuna na kontra COVID-19.