Muling pinatunayan ng two-time MVP finals ang 29-anyos na si Kawhi Leonard na malaki pa rin ang kanyang ibubuga nang pangunahan ang Los Angeles Clippers sa big win laban sa mahigpit na karibal na Dallas Mavericks sa Game 6 ng first round ng NBA playoffs.
Sa kabila na namemeligro na ang Clippers nagawang maitabla ang serye sa tig-tatlong panalo nang mamayani sa iskor na 104-97.
Sinasabing ito na ang finest all-around performance ni Leonard nang magbuhos ng 45 points upang mapantayan ang kanyang dating playoff career high.
Sa fourth quarter lamang nagpasok ng 12 puntos si Kawhi at hindi inalintana ang 18,234 fans ng Mavs na bumuhos din sa American Airlines Center.
Naging tampok din ang match up nila ng Mavs superstar na si Luka Doncic.
Ilang beses na si Kawhi na mismo ang nagbabantay kay Luka upang limitahan ang matinding performance ng 22-anyos na All-Star guard.
Bago pa man ang Game 6 nag-a-average si Doncic ng 35 points.
Pero sa crucial game nitong Sabado ay ilang beses din itong sumablay habang kaharap si Kawhi kung saan nagtapos siya sa 29 points, 11 assists at 8 rebounds.
Aminado naman si Doncic na si Kawhi ang nagwasak sa kanilang diskarte upang biguin sila.
“He destroyed us,” pag-amin pa ni Doncic. “That’s what it is he had a hell of a game.”
Sinasabing ito ang unang beses sa NBA playoff history na ang isang road team ay nanalo ng unang anim na games sa serye.
“Just something that I had young always wanting to win the game to try to exert my will on the floor,” wika pa ni Leonard. “Just have faith and then play hard, have fun. That’s all you can do.”
Para naman kay Paul George na nag-ambag ng 20 points, 13 rebounds at 6 assists, ay wala halos pagsidlan siya sa pagbilib sa kanyang partner.
Sa kanilang game ay namalas daw ng lahat ang pinaka-best two-way player sa liga.
“You saw one of the best if not the best two-way players at his best,” ani George.
Sa Lunes muling magtutuos ang dalawang koponan sa do-or-die game kung sino ang uusad sa NBA semifinals.
