Kinumpirma ng Bureau of Animal Industry na nag-endorso na ito ng bakuna kontra African Swine Fever sa Food and Drugs Administration.
Ginawa ng BAI ang pag-endorso matapos ang ilang seye ng vaccine trial kung saan nakitang epektibo ang bakuna para maprotektahan ang mga baboy laban sa ASF.
Ayon kay BAI Asst Dir. Dr Arlyn Vytiaco, ang inirekomendang bakuna ay may pangalang AVAC ASF Live Vaccine na mula sa Vietnam.
Batay sa record ng BAI, isinagawa nila ang clinical trials mula Marso hanggang Mayo sa anim na farms sa Luzon at naging positibo naman ang resulta nito.
Napatunayan aniyang ligtas at walang side effect ang nasabing bakuna, kontra sa mga baboy kung saan isinagawa ang trial. Wala din aniyang namatay na baboy sa loob ng isinagawang trial.
samantala, sa oras na may go signal na at maisyuhan na rin ng certificate of product registration ng FDA, sisimulan na rin nito ang pagbuo ng TWG, pagbalangkas sa guidelines at rollout ng bakuna sa Pilipinas.
Ayon sa BAI, kailangang maumpisahan kaagad ang immunization drive laban sa ASF para agad mapigilan ang pagkalat ng sakit na pumapatay sa mga alagang baboy at maibangon uli ang hog industry sa bansa.
