Magdaraos ng isang memorial service ang House of Representatives para sa pumanaw na mambabatas na si Antipolo City 2nd District Representative Romeo Acop sa Lunes, Disyembre 29.
Isasagawa ang memorial service sa Plenary Hall ng Kamara dakong alas-10:00 ng umaga. Bago ito, idaraos muna ang isang Requiem Mass o misa para sa paglilibing dakong alas-9:00 ng umaga.
Matatandaan, pumanaw si Cong. Acop gabi ng Sabado, Disyembre 20, matapos atakehin sa puso.
Nagsilbi si Acop bilang vice chairperson ng House Quad Committee na nag-imbestiga sa kontrobersiyal na Philippine Offshore Gaming Operators (POGO) at war on drugs ni dating Pangulong Rodrigo Duterte.
Nagsilbi rin si Acop bilang Chief Director ng PNP-Criminal Investigation and Detection Group (PNP-CIDG) bago siya tumakbo sa public office.
