Isiniwalat ng Bureau of Immigration na may ilang tauhan ng airline na umano’y sangkot sa pagpapadali sa departure at arrivals ng mga biktima ng human trafficking.
Ito ay matapos na harangin ng mga opisyal ng imigrasyon ang isang babae na nagtangkang umalis ng bansa gamit ang pekeng departure stamp noong Abril 5.
Ang babae, na na-recruit para magtrabaho bilang household worker sa United Arab Emirates, ay isiniwalat sa mga awtoridad na siya ay tinulungan ng isang empleyado ng airline.
Nanawagan ang BI sa mga opisyal ng Ninoy Aquino International Airport na imbestigahan ang nasabing insidente.
Ayon kay BI deputy spokesperson Melvin Mabulac na isang “network” ng mga tao ang maaaring masangkot sa scheme.
Hiniling na ng kawanihan na kanselahin ang airport pass ng airline employee na tumulong sa babae.
Kinumpirma rin ng domestic forensic laboratory nito na peke ang naturang stamp.
Sinabi ni Mabulac na pana-panahong ina-update ng ahensya ang mga security feature nito para masugpo ang mga posibleng kaso ng human trafficking sa bansa.
