Ilang mga beteranong actors bibigyan ng parangal ng FDCP

Nakatakdang bigyan ng parangal ng Film Development Council of the Philippines (FDCP) ang ilang mga kilalang artista sa bansa.

Sa pagkakatalaga ng bagong FDCP chairperson at CEO Jose Javier Reyes ay bibigyan nila ng pagkilalal ang beteranang actress na sina Gloria Romero, Boots Anson-Rodrigo at ang namayapang si Jacklyn Jose dahil sa kakaibang mga kontribusyon nila sa Filipino film industry.

Bukod sa nasabing mga artista ay bibigyan din ng pagkilala sina Dr, Nicanor Tingson, Dr. Clodualdo del Mundo Jr., Armando “Bing” Lao, Teddy Co, ang mga miyembro ng Society of Filipino Archivists for Film (SOFIA).

Gaganapin ang Paragal ng Sining sa darating na Abril 19, 2024 sa Seda Vertis North, Quezon City.