Inihayag ng House prosecution panel na target paiikliin nito ang presentasyon ng ebidensya sa reklamong nagsasabing nagkaroon ng umano’y maling paggamit ng pondo si Vice President Sara Duterte sa ₱612.5 milyong confidential funds upang mapabilis ang impeachment trial.
Ayon kay prosecution spokesperson Benjamin “Jay” Tolosa Jr., maaaring hindi na iharap ang ilang testigo kung mauulit lamang ang kanilang testimonya.
Sa Hulyo 29 sisimulan ng Senado ang pagdinig sa naturang reklamo, kung saan unang haharap sina dating Land Bank branch managers Violeta Constantino at Nenita Camposano, kasunod si House official Marivic Pareja.
Umaasa ang prosekusyon na matatapos ang presentasyon ng ebidensya sa mas maikling panahon nang hindi naaapektuhan ang lakas ng kanilang kaso.
