Hollywood actress Salma Hayek muntik ng mamamatay dahil sa COVID-19

Ibinunyag ng Hollywood actress na si Salma Hayek na muntik na itong mamamatay matapos dapuan ng COVID-19.

Ayon sa 54-anyos na actress na pinayuhan na siya ng kaniyang doctor na magpa-confine sa pagamutan subalit mas pinili nitong manatili sa kanilang bahay.

Mas nananaisin aniya nitong mamatay sa kaniyang bahay kaysa magpa-confine sa pagamutan.

Umabot pa sa mahigit pitong linggo ito ng nag-self-isolate sa bahay nito sa London.

Nakahiwalay ito sa sariling kuwarto mula sa kaniyang asawang si Francois-Henri Pinault at ang anak nilang si Valentina.

May isang pagkakataon pa aniya na nilagyan pa siya ng oxygen.

Labis naman ito ng nagpasalamat dahil nalagpasan niya ang nasabing virus.