Halos 200 Pinoy, na-repatriate mula Macau – DFA

Nasa halos 200 Pinoy sa Macau ang nailikas na sa bansa dahil na rin sa pandemic na nararanasan sa naturang rehiyon.

Ayon sa Department of Foreign Affairs (DFA) karagdagang 193 Filipinos mula Macau ang napauwi na dito sa bansa ngayong araw lamang.

Sa ngayon nasa 4,397 na ang mga Filipinos ang na-repatriate mula Macau mula nang nagsimula ang pandemic.

Ito na ang ika-22 chartered flight na dumating lulan ang mga Pinoy mula sa special administrative region ng China.

Ang mga Returning Filipinos ay isinalarawang “negatively impacted” ng pandemic pero wala namang detalye ang inilabas kaugnay rito.