Nagsagawa ng “Fleet review” ang mga hukbong pandagat ng iba’t-ibang mga bansang miyembro ng Association of Southeast Asian Nations sa Subic, Zambales kasabay ng pagdiriwang ng ika-25 Anibersaryo ng Philippine Navy.
Ito ay sa pangunguna ni Department of National Defense OIC Senior Undersecretary Carlito Galvez Jr. kung saan nakasama niya sina Armed Forces of the Philippines Chief of Staff GEN. Andres Centino at Philippine Navy flag officer in Command Vice Admiral Toribio Adaci Jr.
Sa isang pahayag ay binigyang-diin ni Galvez na ang aktibidad na ito ay hindi “Show of force” kundi para ipakita ang ASEAN centrality at pagkakaisa ng iba’t-ibang mga bansa at layunin din aniya nito na I-promote ang rule-based at safe maritime operations ng ASEAN navies.
Ang naturang aktibidad ay nilahukan ng BRP Antonio luna (ff151) at BRP Andres bonifacio (ps17) ng Philippine Navy; RSS Supreme (73) ng Royal Singapore Navy; Kri Gusti Ngurah Rai (332) ng Indonesian Navy; Kd leiku (ffg30) ng royal Malaysian Navy; OPV 512 (patanni class) ng royal Thai Navy; KDB daruttaqwa(09) at KDB afiat (20) ng royal Brunei Navy; at Trang hung dao (015) ng Vietnam people’s Navy.
