Filipino flyweight John Leo Dato wagi via KO kontra Juan Antonio Lopez ng Mexico

Wagi ang Pilipinong boksingero na si John Leo Dato sa laban nito kontra Juan Antonio Lopez sa undercard ng Pacquiao-Thurman bout sa MGM Grand Arena sa Las Vegas.

Limang rounds lamang ang kinailangan ni Dato para manalo via knockout kontra Lopez sa kanilang eight-round featherweight fight.

Pinabagsak ng 26-anyos na si Dato si Lopez sa pamamagitan ng malupit na body shot para wakasan ang kanilang bakbakan sa 2:05 mark ng ika-limang round.

Ang tagumpay ni Dato ay ang pinaka-unang panalo ng tatlong Pilipinong sasabak sa Pacquiao-Thurman undercard.