Itinalaga ni Pangulong Rodrigo Duterte na kalihim para sa bagong Department of Human Settlements and Urban Development si Ret. Major Gen. Eduardo del Rosario.
Sa appointment paper na inilabas ng Malacañang, magsisilbi bilang ad interim Secretary si Del Rosario sa nasabing ahensya.
Bago ito, nagsilbing chairman ng Housing and Urban Development Coordinating Council (HUDCC) si Del Rosario noong 2017 at naging ex-officio chairman ng Pag-IBIG Board.
Nagsilbi rin si Del Rosario bilang administrador ng Office of Civil Defense (OCD) at Executive Director ng National Disaster Risk Reduction and Management Council (NDRRMC) mula February 2013 hanggang May 2014.
Naging pinuno rin ito ng Task Force Bangon Marawi na nangasiwa sa rehabilitasyon ng Marawi City.
