Nagpasya ang dalawang bilyonaryo sa mundo na sina Elon Musk at Mark Zuckerberg na magtuos sa octagon.
Unang inihayag kasi ni Tesla CEO Musk na handa siyang makipagharap sa pamamagitan ng mixed-martial arts laban kay Zuckerberg.
Sumagot naman si Zuckerberg sa pamamagitan ng IG story na inilagay ang screenshot ng Tweet ni Musk at sinabing ibigay lamang niya ang lokasyon.
Sagot naman ni Musk na sinabing ‘Vegas Octagon’ na ibig sabihin ay nais nitong makaharap ang META founder sa Las Vegas ang lugar kung saan ginaganap ang Ultimate Fighting Championship.
Sinabi naman ni UFC President Dana White na seryoso ang dalawang negosyante na magharap at kapag matuloy ay ito na ang pinakamalaking laban sa kasaysayan ng UFC.
Ang 39-anyos na si Zuckerberg ay may taas na 5’7″ na nag-aral ng Brazilian Jiu Jitsu habang ang 51-anyos na South African na si Musk ay may taas na 6’1″ at nag-aral ng karate, Taekwondo at Judo.
