Electrician pinagbabaril patay sa Midsayap Cotabato

CENTRAL MINDANAO-Patay on the spot ang isang electrician sa pamamaril sa probinsya ng Cotabato.

Nakilala ang biktima na si Faisal Alon,38 anyos,binata at residente ng Barangay Sambulawan Midsayap Cotabato.

Ayon kay Midsayap Chief of Police Lieutenant Colonel Rolly Oranza na may inaayos lamang na linya ng kuryente ang biktima sa likod ng Sambulawan Elementary School.

Tinawag ang biktima ng dalawang hindi kilalang suspek at paglapit nito ay bigla siyang pinagbabaril gamit ang kalibre.45 na pistola.

Mabilis namang tumakas ang mga salarin lulan ng motorsiklo na walang plaka.

Nagtamo ng maraming tama ng bala sa katawan si Alon kaya agad itong binawian ng buhay.

Sa ngayon ay nagpapatuloy ang imbestigasyon ng Midsayap PNP sa pamamaril patay sa biktima.