Nanawagan si Pangulong Rodrigo Duterte sa mga miyembro ng United Nations na ipatupad ang Nuclear Non-Proliferation Treaty and Chemical at Biological Weapons Conventions.
Sa kauna-unahang pagdalo ni Pangulong Duterte sa UN General Assembly, sinabi nito na hiniling na niya sa Senado ng Pilipinas na ratipikahan ang Treaty on the Prohibition of Nuclear Weapons ng United Nations.
Ayon kay Pangulong Duterte, walang saysay ang paggamit ng nuclear weapon at wala ring excuse sa kamatayan ng isang indibidwal na sanhi ng nuclear war o hindi kaya sa biological weapon.
Tiyak umanong malalagay sa alanganin ang buhay ng tao lalo na kung mapupunta sa kamay ng mga terorista ang nuclear weapons
Inihayag ni Pangulong Duterte na hindi maikakailang halang ang kaluluwa ng mga terorista.
“We call on all Member States to fully implement the Nuclear Non-Proliferation Treaty, and the Chemical and the Biological Weapons Conventions. I have asked the Philippine Senate to ratify the Treaty on the Prohibition of Nuclear Weapons. Importantly, we were among those to sign it first,” ani Pangulong Duterte sa 75th UN General Assembly.
