Kinumpirma ng Department of Justice na mayroon na silang kasunduan kina former Department of Public Works and Highways District Engr. Henry Alcantara at dating Undersecretary Roberto Bernardo kaugnay sa imbestigasyon sa flood control.
Ayon mismo kay Justice Acting Secretary Fredderick Vida, mayroon ng ‘memorandum of agreement’ ang kagawaran sa pagitan ng mga nabanggit.
Ito aniya’y alinsunod nang maisailalim sila sa ‘witness protection program’ na na may kasalukuyang status na ‘provisionally admitted’ pa lamang.
Subalit wala pa ring katiyakan kung sila ang isa sa mga mapipili at kukunin bilang ‘state witness’ para sa kasong may kinalaman sa usapin ng flood control.
Paglilinaw naman ni Justice Acting Secretary Vida na hindi lamang nakatuon ang kasunduan sa ‘restitution’ o pagbabalik ng nakaw na yaman.
Paliwanag niya’y isa lamang ito sa mga kondisyon para kanilang patotohanan na sila’y ‘in good faith’ at handang tulungan ang gobyerno makuhang muli ang pondong ninakaw mula sa mga proyekto.
AV – ACTING SOJ
Magugunitang nagsaoli ng limpak-limpak na pera si former Public Works District Engr. Alcantara sa Department of Justice bilang bahagi ng ‘restitution’.
Nagkakahalaga ito ng higit 100-milyon piso sa sinasabing kabuuan halaga naman na 300-milyon piso mula sa kanyang nakaw na yaman sa infrastructure projects.
Ani Justice Acting Secretary Vida, inaasahan na posibleng isaoli ni Alcantara ang natitira pang ibang milyun-milyon halaga ng pera sa susunod na buwan.
Maging si former Undersecretary Roberto Bernardo ay handa rin aniyang magsaoli ng pera ngunit kasalukuyang pinoproseso pa lamang.
