MANILA – Naglabas ng advisory ang Philippine College of Physicians (PCP) ukol sa mga naglipanang produkto ng face mask na ginagamit ngayon ng publiko.
Face mask should cover your face from the bridge of your nose to under the chin. Masks with vents or exhalation valves are not advised because they allow the unfiltered breath to escape the mask. pic.twitter.com/YTZgoroKUk
— Philippine College of Physicians (@pcp1953) January 6, 2021
Binigyang diin ng PCP ang guidelines ng World Health Organization (WHO) na dapat sakop ng face mask ang ilong hanggang baba ng isang tao.
“Face mask should cover your face from the bridge of your nose to under the chin,” ayon sa PCP advisory.
Batay sa post ng grupo, inirerekomenda ang surgical at N95 masks bilang personal protective equipment.
Hindi naman ikinokonsidera ng PCP na i-rekomenda ang mga face mask na may “exhalation valves” o hingahan.
“Masks with vents or exhalation valves are not advised because they allow the unfiltered breath to escape the mask.”
Kamakailan nang maglabas ang Makati Medical Center ng advisory para sa mga pupunta sa kanilang pasilidad.
Ipinagbawal ng ospital ang pagpasok ng mga indibidwal na nakasuot ng face masks na may “exhalation valvs, vents, slits at holes.”
Pati na ang mga nakasuot ng “tinted face shields.”
MakatiMed’s Infection Prevention & Control recommends the use of secure-fit face masks without valves, slits, or holes…
Posted by Makati Medical Center on Monday, January 4, 2021
Ayon sa WHO, naipapasa ang coronavirus sa pamamagitan ng “droplet transmission” kaya mahalaga ang pagsusuot ng face mask, face shield at pag-distansya ng isang metro o higit pa sa ibang tao.
